الخميس، 13 فبراير، 2014

ازاي تقدر تعرف معلومات عن منافسيك اونلاين - similarweb

نقول كمان كثيرة هي الادوات ولكن متى وكيف تستخدم ؟
عشان تظبط شغلك  صح محتاج ادوات تساعدك اولا تنجز شغلك ثانيا يكون شغل صح 
النهاردة هنتكلم عن Tool  عبقرية ومجانية في نفس الوقت ال Tool دي بتساعدك انك تعرف كل حاجة عن المنافسين بتوعك الاداة دي اسمها similarweb الاداة دي بقى بتوفرلك اية 




اولا حضرتك بتضيف الدومين اللي حابب تعرف عنه كل حاجة وطبعا الدومين ده هيكون غالبا لمنافس ليك طيب قبل ما اعرف كل حاجة عن المنافس بتاعي انا محتاج اعمل ده ليه ؟
سؤال حلو انا اقولك يا سيدي محتاج تعرف كل حاجة عن المنافس بتاعك ليه عشان من اساسيات التسويق انك تعرف البيئة الخارجية لشغلك وتعرف كل حاجة عن المنافسين بتوعك عشان تتفوق عليهم تعرف نقاط القوة عندهم وتتغلب عليها ونقاط الضعف عندهم عشان تستغلها لصالحك بشكل شرعي طبعا طبعا اي معلومات بتقدر تعرفها عن المنافسين بتوعك بتاخدها وتحللها وتشتغل عليها كويس جدا عشان توصل للنتيجة اللي انت عايزها 
نرجع لكلامنا اول خطوة بضيف اللينك في المستطيل اللي تحت ده 



بعد كدة هو هيطلع لك النتيجة اية بقى المعلومات اللي بتقدر تعرفها 
بتقدر تعرف من خلال الاداة دي اللي حصل للموقع في اخر تلات شهور بتعرف الآتي : 
- ترتيب الموقع محليا وعالميا عامل ازاي وهل بيرتفع ولا بينزل مستواه 

- عدد الزيارات الاسبوعية وبيرسملك خط بياني بيوضحلك فيه الترافيك او الزيارات كانت عاملة ازاي خلال 6 شهور دول 
- مصدر الزيارات هل المصدر من السوشيال ميديا ولا محركات البحث ولا الاعلانات المدفوعة .... 

- الوقت اللي بيقعده الزائر على صفحتك وال BOUNCE RATE معدل الارتداد بتاعه قد اية وبيشوف كام صفحة في المتوسط 
- اية هي ال SUBDOMAINS اللي تبع الموقع 
- اية هي الدول اللي الزائر بيجيلك منها واكثر اللغات المستخدمة 
- اية هي اهم المواقع اللي بتبعتلك زوار 
- اهم الكلمات البحثية المجانية والمدفوعة اللي بتجيبلك ترافيك لموقعك او لموقع المنافس ودي نقطة خطيرة جدا ومهمة لازم تاخد بالك منها اية هي الكلمات اللي بيستخدمها الزائر عشان يوصل للمنافس بتاعك بيها عشان انت كمان تستخدمها 
- اية هي اهم محركات البحث اللي بيجي من خلالها زيارات جوجل , اسك , بينج ....
- اهم قنوات التواصل الاجتماعي اللي بتجلب زوار فيسبوك , تويتر , يوتيوب , لينكيد ان 

- لو المنافس بيعمل اعلانات DISPLAY ADVERTISING بيوضح اماكنها فين ونسبة الزيارات اللي بتيجي منها واكتر المواقع اللي بتجلب زيارات بسبب الاعلانات دي 
- بيوضحلك كمان اهتمامات الزوار للموقع ده نسبتها عاملة ازاي يعني اية اهم الحاجات اللي بيهتموا بيها في الموقع اهم الاقسام 
-اية المواقع اللي الزوار بتاعة المنافس بيزوروها وبيهتموا بيها 
- واخيرا اهم المواقع اللي شبه الموقع ده في نفس المجال 

اداة عبقرية جدا مش كدة المهم بقى مين اللي يستخدمها دي بتفيد اي حد شغال في مجال التسويق الالكتروني خاصة المسئولين عن تحسين محركات البحث seo واصحاب المواقع واي حد بيهتم انه يحسن شغله اونلاين 
اتمنى تكون الاداة عجبتكم لو في اضافة اهلا بتعليقاتك 
انشر الموضوع وخلي الكل يستفيد بس وانت بتنشره افتكر ان في حد تعب في كتابة الموضوع ماتنساش حقه الفكري بذكر المصدر 
تحياتي 
شيرين بدر 

-