ارسل رسالة للمستقبل

#معلومة_صغننة 

انت عارف ان في موقع ممكن من خلاله تبعت لنفسك رسالة توصلك في المستقبل انا عن نفسي اول مرة اعرف عن الموقع ده الحقيقة بس قولت اعرفكم بيه 

نقول كمان 

موقع http://www.futureme.org/

الموقع ده بتقدر من خلاله تبعت رسالة على الميل بتاعك توصلك في اليوم والشهر والسنة اللي تحددها الرسالة دي ممكن تكتب فيها اللي انت عايزه او بتحلم بيه او بتتمنى تشوف نفسك ازاي في المستقبل 

اية رأيكم انا هلعب اللعبة دي هبعت لنفسي دلوقتي رسالة استلمها بعد خمس سنين هكتب اللي بحلم احققه في الخمس سنين دول واستنى استلمها في 2019 ان كان لي عمر واشوف اذا كنت حققت فعلا اللي خطط له ولا لا مش شرط تعملها بعد خمس سنين ممكن تعملها بعد سنة او سنتين زي ما تحب 

هكتب في رسالتي 

عزيزتي شيرين عاملة اية يارب تكوني لسة فكراني انا انت بس في 2014 انا بخطط اني خلال خمس سنين هكون ................... وهكتب بقى واقول مين هيلعب اللعبة دي 

شير لاصحابك خلي الشعب يعيش 

Shereen Badr