الأحد، 1 يونيو، 2014

رؤية خاصة في السلوك الانساني


رؤية خاصة 

السلوك الإنساني ده فيروسي يعني اية فيروسي يعني عامل زي الفيرس بينتشر بين الناس كأنه عدوى يعني لو عملت غلط هتلاقي كتير بيعملوا زيك بحجة ان مش انا لوحدي ولو عملت حاجة صح هتلاقي بردو الناس عملت زيك بطريقة او بأخرى طب فكر كدة في موقف سلبي او ايجابي شوفته قدامك حد عمل حاجة هتلاقي الناس كلها بتمشي ورا الحاجة دي خاصة لما تحصل من شخص مؤثر وخلونا ناخد مثال بسيط في الفن مثلا لما بدا الاتجاة العام للفن ينزل لتحت بظهور اغنيات المهرجانات وافلام السبكي وخلافة كل الناس مشيت على نفس الموجه وبدأوا يتنافسوا مين هيقدم اسفاف اكتر عدوى ، فيرس الاسفاف


طب تعالى نشوف مثلا حاجة ايجابية مثلا في الكام شتا اللي فاتوا هتلاقي فيرس توزيع البطاطين على الناس انتشر وكل سنة بيزيد 
الخلاصة : 
خليك انت الشخص المؤثر ده بقى وحاول تنشر فيروسات ايجابية في الحياة 
يعني كون مصدر لفيرس الابتسامة ، فيرس السعادة ، فيرس العلم ، فيرس العمل التطوعي ، فيرس مساعدة الناس ، فيرس البحث عن المعلومة ومشاركتها بالطريقة دي هنقدرنغير الاشياء السلبية في البيئة اللي حولينا وخليك دايما واثق انك انت ممكن تغير العالم 
ايوة انت تقدر تغير العالم بجد 
بس خلاص