الأحد، 1 يونيو، 2014

النشر التلقائي على السوشيال ميديا dlvr.it


 في اداة قوية جدا كنت بستخدمها في النشر التلقائي زمان ايام الشقاوة 

 بتعمل اية الاداة دي 
حضرتك لو شغال على صفحات سوشيال ميديا زي فيسبوك ، تويتر ، لينكيد ان او حاجة زي تمبلر الاداة دي بتساعدك 
rss   انك تنشر محتوى تلقائي بخاصية ال  


dlvr.it 

ودي هتلاقيها في معظم المواقع بتاخد اللينك وبتحطه في dlvr.it وبتظبطها تنشر لك المحتوى اللي بينزل على
 الموقع انه ينزل اتوماتيك على صفحات السوشيال ميديا اللي بتحددهاله ودي بتنفع جدا في المواقع اللي زي الجرايد مثلا وبيكون عليها اخبار كتير فلو انت شغال لوحدك مثلا ومش ملاحق تنزل الاخبار على كل السوشيال ميديا بتظبط الاداة دي انها تنزلك في كل عدد ساعات معين عدد من البوستات وبتظبط الهاشتاجات بتاعتها وكمان بتجدول النشر زي مانت عايز الصبح بالليل طول اليوم 
طبعا انا مش بفضل النشر التلقائي على السوشيال ميديا لأن دي اسمها سوشيال ميديا والفانز غالبا ما بيحبوا التفاعل بس ساعات الضرورات بتبيح المحظورات فلو هتستخدم الاداة دي يفضل ما تستخدمهاش طول الوقت يعني الوقت اللي مش هتقدر تنشر فيه بنفسك وعايز الصفحات تبقى شغالة استخدمها 




طبعا هي جزء منها فري ولو عايز تزود في صفحات السوشيال زي جوجل بلس مثلا بتدفع فلوس بس هي كفري ممتازة لأنك بتقدر تنشر على حوالي تلات او اربع مواقع تواصل اجتماعي وتقدر تنشر من اكتر من موقع في نفس ذات الوقت 

زي مانتوا شايفين في الصورة كدة اللي على الشمال ده لينك ال rss بتاع الموقع وعلى اليمين انت بتحدد الصفحات اللي هينشر عليها في السوشيال ميديا