بما ان ناس كتير بتسأل عن موضوع ازاي اغيير الكاريير بتاعي او الاقي الحاجة اللي تستهويني اني اشتغل فيها او ازاي اقدر احدد المجال اللي هشتغل فيه
خليني كدة ادلي بدلوي :D واقول رأيي المتواضع في الموضوع ده واللي عنده اضافة ياريت يشارك بيها
اولا انا شايفة انك ممكن تبدأ من اكتر حاجة انت بتحبها يعني فكر مع نفسك اية اكتر حاجة بتحب تعملها في حياتك او اية هوايتك او الحاجة اللي انت موهوب فيها زي الكتابة ، الرسم ، التحليل ، التمثيل ، التقديم ، التصوير
اي حاجة في الدنيا تقدر تحولها لفرصة ليك
مش كلام فاضي ولا شعارات ده كلام عملي جدا خلينا مثلا نقول إنك بتحب
- التصوير
 |
- -
في مواقع ممكن تبيع عليها الصور بتاعتك زي المواقع دي
- الكتابة
- بتحب الكتابة او عندك موهبة الكتابة ممكن تبيع مقالات او تكتب محتوى لمواقع شوف المواقع دي
- لو بتفهم في مجال معين ممكن تألف كتب وتبيعها على المواقع دي
- لو بتجيد اي لغات ممكن تاخد شغل ترجمة من على المواقع دي
- التصميم
- لو بتعرف تصمم لوجوهات ، اعلانات ممكن تبيع شغلك على المواقع دي
لو شاطر في التسويق الالكتروني بكل فروعة او البرمجة ، التصميم ، الترجمة وغيره ممكن تشوف مواقع العمل الحر ممكن تشوف موضوع د لية تبقى موظف متمرمط لما ممكن تبقى Freelancer :D
وممكن تجمع بين اكتر من حاجة بتحبها او بين مجال عملك والشغل الاونلاين يعني مثلا انت دكتور ، مهندس ، محامي ، مدرس
او عندك هواية زي جمع الطوابع ، حب الحيوانات
اعمل موقع واكتب فيه عن الحاجة اللي بتحبها ومن الموقع ممكن يكون لدك مصدر دخل تاني غير شغلك وفي نفس الوقت بتعمل حاجة بتحبها او بتكتب عن حاجة بتحبها
يعني دي شوية حاجات كدة على قد ما افتكرت ممكن تكون فرصة تانية بالنسبة لك او بالنسبة لأي حد حابب تساعدة وزي ما بقول دايما
وماتنساش ان ناس كتير كانت بدايتهم من حاجة حبوها وصدقوا نفسهم انهم ممكن يعملوا منها حاجة اخرج برة
الصندوق اللي حابس نفسك فيه
تحقيق الحلم مش صعب يمكن خطوة البداية هي اللي بتكون فيها شيء من الصعوبة بس مش مستحيلة خد نفس عميق ، فكر ، توكل على الله ، خد القرار وابدأ
والله الموفق والمستعان :D
Shereen Badr
