تحليل اعلان سامسونج جالاكسي للشباب

كتبها Amr Baraka
الاعلان بتاع سامسونج دا انا شايف انه رائع جدا جدا جدا لأنه عالج أكتر من نقطه مهمه فى نفس الإعلان:
أولا: لعب على حته مهمه جدا ألا وهى التخلى عن القديم لازم تسيب موبايلك القديم عشان تستعمل التكنولوجيا الموجوده عند سامسونج ودى نقطه صعبه جدا لان احنا عشريين اوووى نفسنا ان الموبايل يقعد معانا قرن عشره بقى وكده

ثانيا: تشجيع المستهلك انه لازم يشترى الجديد (التغيير من عاداته الشرائيه)ودى نقطه مهمه جدا بيعانى منها السوق و المستهلك المصرى ان احنا مش بنشترى موبايل غير لما القديم يبوظ بسبب انخفاض مستوى الدخل
ثالثا لازم تواكب العصر وتسيبك من الانطوائيه وتشوف الدنيا بشكل جديد من خلال موبايل young نلاحظ دا فى ان الشباب متمسك بالشطرنج وحل الكلمات المتقاطعه
بعد كده بدا الاعلان يشرح مدى المكانيات الضخمه جدا للموبايل من 80 الف ابلكيشن و2شريحه ودى نقطه مهمه والخ
بعد كده بيبين مدى التغييير اللى ظهر على سلوك الناس بقوا من الاخر كده رجاله مودرن بس عشان اشتروا samsung glaxy young
وختم بالمقوله الجامده "اذا كنت تشعر انك اكبر من سنك فقد تكون المشكله فى موبايلك "بيقولك الاعلان دا م الاخر كده لازم تغيير عشان تشوف الجديد وكفايه ملل وانطلق واشترى samsung glaxy young

لو حابب تشارك معانا بأفكارك وآراءك وتحليلاتك التسويقية ابعتلنا وما تكسفش المدونة مدونتك