الاثنين، 24 مارس، 2014

كبدة البرنس خط احمر

طن لحوم فاسدة في مطعم البرنس
اغلاق مطعم شهير بإمبابة لتقديمة لحوم حيوانات لعملائه
تنفيذ حكم على صاحب مطعم البرنس بإمبابة
دي كانت عينه من عناوين بعض الجرايد اللي اتكلمت عن مطعم البرنس طيب واحنا ليه بنكتب عنه واحنا مالنا بكل الكلام ده
رد فعل صفحة البرنس على الفيسبوك هو ده اللي لفت انتباهنا ازاي تعاملوا مع الموضوع بطريقة فيها شيء من الاحترافية في معالجة الموضوع ازاي  ؟
انا اقولك ازاي
اولا بدأوا ينزلوا على الصفحة تكذيب وقالوا ان دي اشاعات
مطعم كبدة البرنس 



طب ماهو ده طبيعي اية الجديد يعني
الجديد انهم بدأوا ياخدوا سكرين شوتس من ردود الناس وينشروها عشان يظهروا مصداقيتهم وولاء الناس للمطعم وان كل اللي اتنشر ده اشاعات ومافيش حاجة وان المطعم ما اتقفلش ولسة شغال
كمان بدأوا يصوروا الناس في المطعم وهي بتاكل وينشروا الصور ويوضحوا ان كل الكلام ده اشاعات و افتراء ومش هم بس ده كمان الناس اللي راحت تاكل هناك بدأت تتصور وتنزل الصور على بروفايلاتها الشخصية  وكأنهم بيتصوروا مع نجم سنيمائي

ناصر البرنس وسط جمهوره الحبيب 

اللطيف انهم بدأوا يستخدموا هاشتاجات مميزة والناس عملت شير واستخدمت هاشتاجات تانية مختلفة زي
اما الهاش تاج الاساسي #كبدة_البرنس فده اخد نسبة كبيرة من الاهتمام وفي خلال ساعات كانت نسبة استخدام الهاشتاج عالية جدا اكتر من 2000 بوست بنفس الهاشتاج 

#كبدة_البرنس

#كبدة_البرنس

طب وده عمل اية ؟
ده زود التفاعل اكتر و عمل رواج للصفحة ماكانش هيعمله اعلان مدفوع الاجر وزود العدد واللي ماكانش متابع او يعرف حاجة عن المطعم عرف وتفاعل بشكل ايجابي اكتر وده كان واضح من خلال التعليقات صحيح في تعليقات كانت سلبية لكن مابانتش وسط الكم الكبير من التفاعل الايجابي


#كبدة_البرنس

وطبعا الموضوع اخد اهتمام ناس كتير جدا جوه مصرة وبرة مصر وصفحات كتير اتكلمت عن الموضوع واستخدموا نفس هاشتاج #كبدة_البرنس
وطبعا الكاريكاتير كان له نصيب في  متابعة الموضوع 


مهم انك تكسب ولاء وحب العميل لأنه هو اللي هيكون المدافع الاول عنك في اي وقت تتعرض فيه لأي ازمة 

اللطيف بقى ان كل الكلام اللي حصل ده نقل صفحة البرنس نقله تانية في عدد اللايكس والريتش 

بصرف النظر عن موضوع اللحوم فاسدة ولا لا بس #كبدة_البرنس عمل case study حلوة في ال Social Media وقدم نموذج رائع
الرد على الهجوم على البراند خاصة في سرعة الرد واحتواء الموقف