الأحد، 23 مارس، 2014

غلطة الكبير بعشرة MBC MASR

يعني اية social media  يعني الغلطة بفورة يعني غلطة الكبير مضروبة في عشرة يعني ناس قاعدة لك بالمرصاد وعلى قد حجمك كانت الفضيحة
لية كل ده
عشان غلطة من فريق صفحة  مصر MBC على الفيسبوك في دقايق كانت عبارة عن
 Case Study
واللي كان قاعدلها بالمرصاد فريق المصري اليوم اللي علق على الخبر بطريقة ساخرة
اية اللي حصل
اللي حصل ان فريق السوشيال لصفحة MBC مصر ما اخدوش بالهم انهم حاطين بوست بيتكلم عن حاجة والصورة عن حاجة تانية خالص واضح ان ما كانش في مراجعة للبوست او اتاخد COPY من بوست سابق و اتعدل على البوست الحالي مع اغفال التعديل كاملا
البوست بيتكلم عن لقاء الفنانة علا غانم مع شريف عامر على MBC مصر وتمت اضافة صورة علا غانم للتصميم مع عدم تعديل بيانات البوست واللي كان مكتوب فيه اسم باسم يوسف ولقاؤه مع شريف عامر



 وطبعا المصري اليوم استغلت الموضوع ده وكتبت عنه وربطته بفيلم احمد حلمي جعلتني مجرما لما كريمة السكريترة لغبطت بين صورة الراقصة وكتبت عليها الموت علينا حق وكتبت على بانر الحانوتي راقصة مصر الاولى في تهكم ساخر على غلطة الصفحة
وده يخلينا نقول ان غلطة السوشيال ميديا بفورة خاصة لما تكون براند كبير ولك اسم ومتابعين وعشان كدة لازم وانت بتتعامل مع السوشيال ميديا تكون في قمة الحذر لأن في ناس قاعدة بميكرسكوب زينا كدة :D مش هتفوت ولا ترحم بس احنا خدناها على انها  Case Study  اما المصري اليوم او غيرها هتاخدها بمنطلق زيادة الترافيك على الموقع وفرقعة صحفية



 اللطيف ان الصفحة تداركت الامر بعد فترة ونزلت بوست بتألش فيه على الأدمن وقالت في بوست ليها 


تفتكر أدمن #MBCMASR كان بيفكر في ايه وهو بيكتب البوست ؟ 1- نفسى اطلع مع باسم 2- نفسي الريتش يزيد بقى 3- الشيفت طويل عايز أروح 4-عايز أتصور مع علا 5- جون مجدي عبد الغني في كاس العالم 6.محمد منير
#يهده_الشيفت ... #باسم_علا_دونت_مكس .. #مارك_مجنن_الأدمن




حركة ذكية جدا واكيد التفاعل عليها هيكون رائع تحية للأدمن العبقري اللي لحق نفسه :D