الجمعة، 21 مارس، 2014

احتفالية عيد الام على الفيس بوك 2014

زي ما احنا متعودين في كل مناسبة بنجمع اشكال احتفال البراندات على السوشيال ميديا خاصة فيس بوك بالمناسبة زي احتفالات رمضان ، شم النسيم ، عيد الحب   ، عيد الام اللي فات والسنة دي عيد الام كان له تصميمات مميزة واحتفالات على كل صفحة من صفحات العلامات التجارية لأنه من اهم قواعد السوشيال ميديا خاصة للبراندات انك تشارك متابعي علامتك التجارية في ايامهم الخاصة ومناسباتهم وانك تكون اجتماعي ما تيجوا نشوف :D






كل براند كان له طابع مميز واسلوبه الخاص في الاحتفال فكل واحد احتفل على طريقته بيبسي احتفلت بالطريقة التفاعلية اللي بتتحاور فيها مع الفانز وبتسالهم وده بيعمل تفاعل كويس على الصفحة



الكل مقتنع إن مامته أحسن أم في الدنيا. كل سنة وهما كلهم
طييبين. قولنا ليه مامتك أحسن أم في الدنيا وأكتر likes هديتة
علينا! 

سجل بياناتك هنا http://goo.gl/WHt3Ut

 بعد ما تقولنا في الـ comments ليه مامتك أحسن أم.





اما جهينة فاتبعت القاعدة اللي بتقول ان الصورة بألف كلمة وعشان كدة ما قالوش ولا كلمة في البوست وسابوها للمتابعين يفهموها لوحدهم بس التصميم بتاعهم بسيط وراقي جدا ومعبر 

اكتيفيا عملت تصميم كله دوشه وصخب ،  رسالة اكتيفيا دايما  ان اللي بياكل اكتيفيا بيكون خفيف بيقدر يتحرك بسهولة تفتكروا في علاقة بين التصميم والرسالة بتاعة اكتيفيا ؟

Tell us one word you would like to say to your mum on Mother's Day


قوللنا كلمة تحبي تقوليها لمامتك في عيد الأم


العملاق جوجل يحتفل على طريقته الخاصة



جوتن استخدمت تصميم عبقري وجذاب يعبر عن المنتج وفي نفس الوقت مناسب للمناسبة لأن في ناس هتشوف ان المنتج بتاعهم بعيد اوي عن المناسبة دي شركة دهانات والمناسبة عيد الام ففين الرابط بينهم وده دليل على عبقرية المسئولين على السوشيال ميديا انهم يعرفوا يلاقوا رابط بين المنتج وبين المناسبة بصورة ما 


من جوتن لكل أمهات مصر, عيد أم سعيد ليكم ونتمنى دايما تكونوا سعداء




نفس الحكاية شيفرولية مافيش رابط بين المنتج وبين المناسبة فبطريقة عبقرية وتصميم مناسب قدروا انهم يحققوا المعادلة الصعبة

 إلى كل الأمهات..كل عيد أم وأنتم طيبين 
#شيفروليه #عيد_الأم #chevrolet #mothers_day



شويبس جولد قررت تستخدم تصميم سهل ويبرز المنتج مع استخدام هاشتاج خاص باليوم وان كان المنتج هنا طغى على خصوصية اليوم كان ممكن يتعاملوا بشكل اكتر احترافية عن كدة 

النهاردة عيد الأم 

Today is Mother's Day 





نوكيا قررت ان خير الكلام ما قل ودل لكن الحقيقة مافهمتش المعنى من الصورة او الرسالة هل قصدهم صور بوكية ورد لمامتك ولا هاتلها جهاز نوكيا في عيد الام انتوا اية رأيكم :D

مافيش حب أعظم من حب الأم.
كل سنة وإنت طيبة يا ست الكل 






شركة جوميا مصر قررت تحتفل بطريقة مختلفة خالص بهاشتاج خاص ماما دايما بتقول وعملت تصميمات في رأيي ان فكرتها عبقرية ولكنها ما ظبطتش معاهم ولكن الفكرة مع الهاشتاج وتفاعلهم مع الفانز يحسبلهم

Jumia Egypt
   #ماما_دايما_بتقول.
 بمناسبة عيد الأم جوميا قررت إنها تحتفل بالأمهات بطريقة مختلفة!
قولولنا إيه أكتر كلام أمهاتنا كانوا دايما بيقوله زمان وكنا بنضايق منه بس فرق في حياتنا لما كبرنا 
شاركونا بأكتر كلام الأمهات دايما كانوا بيقولوه واستخدم هاش تاج ‫#‏ماما_دايما_بتقول وإحنا هننشرهم 







ربط عبقري بردو بين خدمة وبين اليوم يعني لو فكرت شوية ممكن تلاقي انه صعب انت كمجال طبي صعب انك تربطها بيوم زي ده بس هارت بلاس عملتها بطريقة عبقرية وغير منفرة

عشان هي بتحبك من قلبها، لازم تطمني على صحة قلبها، بمناسبة عيد ست الحبايب و لحد 15 أبريل خصم 30% من Heart Place على التحاليل و الأشعات و الموجات الصوتية على القلب و رسم القلب بالمجهود.





هاينز قررت تلعب على بساطة التصميم والفكرة والجملة واكتفت بأنها تقدم تهنئة بعيد الام ببساطة



حنان وحب أمي لا يعوض!

كل سنة وإنتي بألف صحة وخير 




اما ماكدونالدز عبقري الترويج عمل تصميم وجملة قمة في الكوميديا وده اللي ممكن يخلي المتابعين يتفاعلوا اكتر مع البوست وينشروه بين اصدقاؤهم 
 
الهابي ميل بتخليني سعيد علشان بتبقى جاية من إيدك، بس الهابي ميل دي مني علشان النهاردة عيدك!

ملحوظة: من فضلك سيبي لي اللعبة، وشكرا! 

A Happy Meal makes me happy because it's from you, but today is your day...this one's for you!

PS: Leave me the toy, please




بيزات موقع اعلانات مبوبة قرر يستخدم تصميم بسيط وجملة بسيطة يشارك بيها اليوم النهاردة مع استخدام هاشتاج عليه تفاعل عالي 
بيزات
 هتحتفلوا ازاي النهاردة بـ ‫#‏عيد_الأم ؟ 




فودافون كمان لازم تحط التاتش بتاعها على الرغم انها معودانا من وجود اعلان فيديو كل سنة بس السنة دي شكلهم ماعملوش واكتفوا بعمل تصميم وبوست على الفيسبوك مع عمل عرض خاص برسايل مجانية
Vodafone Egypt
كل سنة وكل أم طيبة, قولنا احتفلت بمامتك إزاي النهاردة؟  




كابي ايجبت استخدمت تصميم معبر خاص باليوم 
 
عيد أم سعيد 

Happy Mother's Day 
                


جرين لاند هسيبلكم التعليق عليه هو مانزلش اكتر من الصورة بس



نيدوا استخدمت تصميم عادي ومعبر عن اليوم وتهنئة عادية



كل سنة و كل أم بخير 

Happy Mother’s Day to all our beloved mothers
  


دوريتوس من البراندات العبقرية اللي حاولت بطريقة ظريفة تربط بين البراند وبين اليوم اللي بعيد تماما عنه زي ما هو معروف ان دوريتوس بيستهدف فئة الشباب دايما فإنه يشارك في اليوم بالطريقة اللطيفة دي اعتقد انه ذكاء من مسئولي السوشيال ميديا 
 Doritos Arabia
  أنت عارف مين اللي جريء بجد؟! 
الام المصرية  كل سنة و هي طيبة.




نسكافية ايجبت من اكتر البراندات اللي قدمت تصميم رائع ، رسالة حلوة للعميل من واقع الحياة وكمان عمل تفاعل كبير على الصفحة من خلال سؤال الفانز مسمي والدتك اية على موبايلك فعلا كل واحد مسمي والدته بشكل معين اللي مسميها ماما ، الحاجة ، الكابيرة ، ست الكل وغيره



مهما كان اسمها علي موبايلك كلمها و قولها كل سنة وانتي طيبة , و قولولنا مسمينها ايه علي موبايلكو




نيسكويك زي نيدو استخدمت تصميم بسيط ومعبر ورسالة واضحة 

كل سنة و كل أمهاتنا بخير شاركونا بالهدايا اللى جبتوها لأمهاتكم

Happy Mother’s Day. What did you get your mother for Mother’s Day




 اما لايز فقرر يستخدم التصميم البسيط جدا ولكنه رائع مع رسالة واضحه



كل سنة وانت طيبة يا ماما

Happy Mother's day Mom







كنتاكي قدم تصميم جذاب جدا ومعبر واستخدم اللون المناسب للشريحة المناسبة معروف ان اللون البينك هو لون انثوي بيستخدم دايما لمخاطبة المرأة 


Celebrate with your mom a #SoGood Mother's day

إحتفل مع والدتك بعيد أمّهات رائع

ماجي زيها زي نيدو ونيسكويك رغم انهم اكتر ناس كان ممكن يستغلوا الموضوع بشكل اكثر فاعلية لأرتباطبهم بشكل مباشر بالام اللي تقريبا ما بتخرجش من المطبخ خاصة في اليوم ده لأنه بيبقى كله عزومات عند الامهات

كل سنة و كل أم طيبة 



سامسونج قدمت تصميم بسيط مرتبط بالام من خلال الصورة على الموبايل 


كل سنة و كل الأمهات بخير  

Happy Mother’s Day



موقع سكر للتسوق الالكتروني كان عنده اكتر من طريقة يربط بيها اليوم بمنتجاته بطريقة اكثر جاذبية 



Happy Mothers day to all the new mum’s, to the grandmothers, & to the soon to be mums. 

Shop her gift online<<<<<http://bit.ly/OEeZhv







 خلينا نختم مع فيروز وتفاعل من واقع الحياة زي نسكافية احسنوا الاختيار وربط المنتج باليوم
Who used to take money from his/her mom to get her a present? Share your stories in a comment. Happy Mother’s Day everyone 
مين كان بياخد فلوس من مامته عشان يجيبلها هدية؟ شاركونا قصصكم. كل سنة و كل الأمهات طيبين 
هستنى تقولوا اية اكتر براند عجبكم الاحتفال بتاعه وشايفين اي براند  اخفق في الاحتفال باليوم
تحياتي
SHEREEN BADR