#تسويق مش سياسة
كل سنة الصين بتفاجئنا بفانون رمضان بشكل جديد بيعبر عن ابرز حاجة بتهم المجتمع المصري مرة المفتش كورمبو ، مرة التوكتوك ، واخيرا السيسي واسطوانه عليها اغنية عبد المطلب بتاعة رمضان وبيع في كل حته
هي الصين بتعمل كدة ازاي
 |
| فانوس رمضان السيسي |
اول خطوة عشان تعمل تسويق لأي مشروع هي انك تدرس السوق اللي انت هتسوق فيه الاول ودي عمليه بنسميها Market Research وفيها بتبدأ تدرس السوق اللي انت داخلة اية القوانين بتاعته ، الحياة الاجتماعية ،الحياة السياسية ، الحياة الاقتصادية مين المنافسين ليك هناك وتبدأ تجمع معلومات وبعدين تروح عامل حاجة اسمها Marketing research ودي بتتعمل بأكتر من طريقة اعتقد ان الصين بتعتمد فيها على الملاحظة بتشوف اتجاهات الناس عاملة ازاي مهتمة بأيه واية اللي شاغلها وطبعا اكتر حاجة شاغلة الناس الفترة دي هي السياسة والشخصية الابرز هي العسكري الممثلة في السيسي وبعدين يفكر طب هو انا هبيع المنتج ده لمين ويبدأ يقسم المجتمع لشرائح معينه ودي بنسميها segmentation وبعدين يختار الشريحة اللي هيشتغل عليها طبعا بعد ما يدرس طبيعة كل شريحة ويشوف هي هتحقق له اهدافة ولا لا ودي عمليه بنسميها ال Targeting وطبعا الشريحة اللي مختارينها هي شريحة الاطفال كمستهلك والشريحة المتوسطة كعميل بعد كدة يشوف بقى اية ال Product اللي هيعمله مواصفاته ، مميزاته وبعدين يسعره بناءا على اعتبارات كتير اوي منها المنافسين ، التكلفة ، هامش الربح اللي عايز يحققه وغيرها من اعتبارات وفي حالتنا الصين بتلاقي ان العميل المصري عايز حاجات فيها اوبشنز كتيرة وبسعر قليل ومافيش جوده عشان كدة الفانوس ما بيقعدش مع الطفل اكتر من يومين تلاته
نيجي بعد كدة لعملية التوزيع اية الاماكن اللي هيوزع فيها في حالتنا بتكون حارة اليهود والموسكي هي الوكيل الرئيسي لموزعين اصغر وبعدين تيجي عملية ال promotion او الترويج وما اظنش في حالة الصين دي بيكون في ترويج كبير لأنهم بيستغلوا مناسبة قوية معروف ان كل الناس هتشتري فيها خاصة مع زن الاطفال المستمر
من افضل البلاد اللي بتعرف تسوق صح هي الصين لأنها بتدرس السوق اللي بتستهدفه كويس اوي عشان كدة منتجاتها مغرقة البلد وبنشتريها واحنا عارفين انها صيني يعني اي كلام
يالا ارزاق :D
