معاني الألوان للعلامات التجارية

#معلومة_صغننة 
93% من العملاء بيتأثروا عند الشراء بمظهر المنتج طبعا الشكل الخارجي ، التغليف ، الألوان وللألوان دور مهم جدا واثر نفسي وزي ما بيقول محمد فوزي لكل لون معنى 

 عشان كدة بنشوف ان لكل لون اثره النفسي بيتم استخدامه بطريقة لفئة معينه زي مثلا اللون الاحمر بيثير الشهية للجوع عشان كدة هتلاقي كتير من محلات الاكل خاصة الفاست فود بتستخدم اللون الاحمر ولأنه لون مزعج للعين فما تقدرش تشوفه كتير فبيكون مناسب للاماكن اللي فيها وجبات سريعة زي كنتاكي ، هارديز ، بيتزا .... 

اما اللون البرتقالي هتلاقية لون المرح لون كله حيوية فهتلاقية مستخدم في الاماكن اللي زي دريم بارك مثلا ، ماكدونالدز وزي مثلا فانتا برتقال اللي بتركز دايما على المرح والشقاوة واللعب ..... 

Fanta

اما اللون الازرق فده لون بيدي ثقة عشان كدة هتلاقي البنوك وشركات البورصة وتداول الاوراق المالية بتستخدمة 

citi bank logo

اللون الوردي او البينك ده لون المرأة عشان كدة هتلاقي شركات التجميل ومحلات الملابس الخاصة بالسيدات بتستخدمة زي كارينا مثلا 

carina logo

اللون البني ده لون الارض عشان كدة هتلاقيه مستخدم للحاجات اللي ليها علاقة بالبناء والتشييد زي معرض مثلا انتربيلد 

اللون الاخضر ده لون للهدوء والصفاء عشان كدة بيتخدم دايما في المستشفيات 

اللون الاسود بقى والابيض دول الوان محايدة بتستخدم في كتير من البراندات واللوجهات الخاصة بيهم 

مهم انك تركز في اختيار الألوان الخاصة بعلامتك التجارية في كل حاجة ويكون في بينهم تناغم ومناسب للاثر النفسي اللي عايز تحدثه عند العميل بتاعك لأنه بيأثر على عملية الشراء اولا وعلى ارتباط العميل بالبراند ثانيا فكل براند له لونه الخاص اللي لو شوفته من بعيد تقدر تعرف العلامة دي بتاعة اي براند فاللون مهم جدا لعملية ال positioning او الصورة الذهنية عند العميل 

#عايز_تنجح_ساعد_غيرك_ينجح
Shereen Badr