الخميس، 17 يوليو، 2014

محرك بحث عن الكورسات في كل المجالات

بعد ما اتكلمنا عن محرك بحث  التسوق الاونلاين يا قوطة هنتكلم النهاردة عن محرك بحث عن الكورسات المجانية والمدفوعة اسمه 
ناس كتير بتكون عايزة تاخد كورس في مجال ما والامكانيات المادية مش متاحة او الوقت او المكان وطبعا الحل الامثل دلوقتي انك تاخد كورس اونلاين  ده محرك بحث للكورسات ممكن يفيدك كتير في اي مجال انت عايزة 

redhoop



الموقع عليه 21455 فيديو و 3639  كورس مجاني تقدر تشوفهم وتحملهم 
بتبدأ تبحث على الموقع ده عن المجال اللي انت عايزة وبتحدد له انت عايز فيديوهات ولا كتب لو اخترت الكتب بيجيبلك
اهم كتب على موقع امازون عن الموضوع ده 
اما لو اخترت الفيديوهات فبيبدأ يديلك كل الفيديوهات المتاحة عن الموضوع ده 

redhoop

الجميل في الموقع بقى انك تقدر تحدد كل حاجة انت عايزها يعني الكورس مجاني ولا بفلوس ولو بفلوس يبقى متوسط 
التكلفة كام ، مدة الكورس 
كمان تقدر تحدد له المستوى اللي انت عايز تاخده مبتديء مثلا ولا متوسط ولا محترف 
كمان تقدر تختار الموقع اللي مقدم الكورس وعايز الكورس بشهادة ولا لا 

redhoop

واللطيف انه بيقولك اية هي الكورسات اللي دورت عليها ولو سجلت فيه بيكون تاريخ البحث بتاعك متسجل عليه واكيد هيكون في مميزات تانية كتير ممكن تكتشفها لما تتعامل معاه 
ممكن ما يكونش الموقع الوحيد او الافضل ولكني حبيت اشاركم بيه ريما تستفيدوا منه وتفيدوا بيه غيركم 

بس خلاص