محرك بحث قوطة

#معلومة_صغننة 

مجنونة يا قوطة 

محرك بحث جديد اسمه قوطة  في الاول صدمني فدخلت اشوف اية حكايته هنسيب جوجل ونروح لمجنونة يا قوطة مش كلام 

المهم بقى لقيت ان ده محرك بحث عربي للتسوق الاونلاين الفكرة عبقرية بصراحة صحيح هي مش جديدة وفي مواقع اجنبي عملاها بس الابداع انه موقع عربي وبيستهدف المستخدم العربي 

فكرته اية بقى انك تكتب اسم المنتج اللي انت عايزه فيروح جايبهولك من كل مواقع ال ecommerce  زي سوق وجوميا و نفسك وغيرها ويقولك مواصفات المنتج وسعره وممكن تشتريه دلوقتي وطبعا تقدر تقارن الاسعار بتاعتهم لو حبيت وممكن تحدد له ال Budget اللي انت عايز تصرفها وهو يجيبلك بناءا على الميزانية اللي انت حددتها في الاول 

اللطيف بقى ان شغل السوشيال ميديا بتاعهم واضح انه هيكون رائع 

وطبعا كان لاختيارهم اسم قوطة سبب والسبب هو ان القوطة او الطماطم سعرها متغير كل يوم بحال وبما ان السلع متغيره الاسعار على حسب الموقع والوقت فمن هنا استوحوا اسم قوطة 

تحياتي لصاحب الفكرة ما اعرفش مين هو واللي شغالين في السوشيال ميديا بردو ما اعرفش مين هم 

وبالتوفيق