الخميس، 28 أغسطس، 2014

واخيرا احصائيات موقع بينتريست وتويتر

#معلومة_صغننة 
واضح ان الاسبوع ده خاص بتحديثات ال #socialnetwork  من يومين اتكلمنا عن تحديث خوارزميات الفيسبوك و ظهور اللينكات على ال News feed
والنهاردة خاص بال Analytics النهاردة حصل تحديثين لموقعين تواصل اجتماعي هما تويتر وبينتريست وبقى ممكن تشوف احصائيات حساباتك على الموقعين دول 

 احصائيات موقع #pinterest 

تقدر دلوقتي تراجع احصائيات الاكونت الخاص بيك على بينتريست وتشوف فيها اللي بيحصل على الاكونت بتاعك زي : 
- تقدر تعرف عدد المشاهدات لل Pins بتاعتك  
- نسبة ال engaged مع  ال Pins بتاعك من المتابعين ليك 

analytics.pinteres
analytics.pinteres


- اكتر البلاد واللغات الخاصة بمتابعيك 
- اهتمامات المتابعين ليك 
- اية اهم  البراندات اللي المتابعين ليك بيتابعوها 
- ال Boards المشتركة في الاهتمام بينك وبين المتابعين 
- اكتر pins  ليك حصل عليها Impression s Clicks Repins Likes خلال 30 يوم 
- اكتر Boards كان عليها نسبة مشاهدات وكليك وتفاعل خلال 30 يوم 

analytics.pinteres

- الاهم من كل ده انه بيوضح لك الجزء الخاص بموقعك او مدونتك لو رابط بينها وبين حسابك على بينتريست بيبدأ يقولك اية اكتر pins من مدونتك او موقعك حصل عليها مشاهدات وتفاعل وطبعا ده بيكون مصدر مهم جدا للترافيك اللي بيروح لموقعك او مدونتك 

analytics.pinteres

كمان من التحديثات الجديدة في موقع بينترست اضافة الرسائل يعني دلوقتي تقدر تبعت رسالة لاصدقاءك على بينتريست

pinterest messages

لو عايز تعرف اكتر عن   ممكن تشوف  شرح موقع pinterest

لو حابب تتابع الاكونت بتاعي بسلطاته وبابا غنوجه من هنا 
http://www.pinterest.com/shereenbadr/

لو عايز تشوف احصائيات الاكونت بتاعك من هنا 
https://analytics.pinterest.com/


احصائيات موقع تويتر 

واخيرا احصائيات لحسابك على #twitter
هرمنا من اجل هذه اللحظة الفارقة 
تويتر بعد عناء وعذاب عمل امكانية الاطلاع على احصائيات حسابك واللي منها تقدر تعرف
- نسبة ال impressions لحسابك 
- Engagement rate 
- Impressions Engagements Engagement rate لكل تويته بشكل مستقل
- عدد ال link clicks طول الشهر
- عدد ال FAVORITES ,RETWEETS طول الشهر
- عدد ال REPLIES
twitter analytics 

كمان تقدر تعرف مين ال followers اهتماماتهم وهم من اي بلاد كمان تقدر تشوف نسبتهم بتزيد ولا بتقل
طب حلو كل الكلام ده فايدته اية بقى
فايدته انك هتقدر تحدد اية المحتوى المناسب اللي هتقدمه للشريحه اللي عايز تستهدفها واي شريحة عايز تزودها عندك ومن اي بلد من خلال اهتمامتهم كمان تقدر تعرف التفاعل على حسابك وترجم ده لفعل عشان تزود التفاعل وتقدر تحط لنفسك تارجت معين عايز توصله وبكدة هتقدر تقيس الوضع الحالي وتقارنه بالتارجت اللي وصلت له بعد فترة من الشغل

#عايز_تنجح_ساعد_غيرك_ينجح

ده حسابي على تويتر لو حابين تتابعوه

https://twitter.com/shereen_badr

وده اللينك اللي ممكن من خلاله تتابع احصائيات حسابك
https://analytics.twitter.com/