اقرأ البوست الموجود في الصورة الاول وبعدين كمل قراية الكلام ده
 |
| amazon |
قريت البوست اللي في الصورة تعالى بقى نحلل الموقف ده ونطلع منه دروس مستفادة
اولا : الكلام ده بيوضح مدى حرص واهتمام شركة امازون بعملاءها وحرصها على رضاهم حتى لو ده هيكلفهم انهم يدفعوا تمن المنتجات اللي ماوصلتش واللي هم اصلا مالهمش ذنب في ضياعها كان ممكن زي ما بيحصل من شركات كتير تقولك حضرتك اتصل بشركة الشحن او حل المشكلة معاهم ماهي مالهاش دعوة او تقول طيب هنتواصل ونحل احنا المشكلة مع شركة الشحن ده لو شركة محترمة لكن اللي عملته امازون انها فكرت في الاول في العميل وبعدين تحل اي مشاكل تانية مع شركاءها زي شركة الشحن
ثانيا : شركة الشحن عندها مشكلة كبيرة جدا وهي عكس ما عملت امازون انها نفضت للعميل اصلا ربنا معاهم بقى
ثالثا : قوة السوشيال ميديا في الحالة دي واللي هي التطور الطبيعي لل word of mouth شوف بقى يا محترم كام واحد هيقرأ البوست وكام واحد هيعمل شير ليه وكام واحد هيقرر يتعامل مع امازون لأنها شركة بتحترم العميل وكام واحد هيقرر انه ما يتعاملش مع TNT لأنها اولا بتضيع الطرود ثانيا ما بتهتمش بالعملاء
اهتمامك بالعميل هو طريقك للنجاح والربح ومش كل الربح فلوس وعميل في اليد خير من عشرة عند المنافس وان الاهتمام بالعميل الحالي ممكن يكسبك اكتر ما تهتم بجذب عملاء اخرين محتملين
#marketing_على_طريقتي
#marketing
#amazon
Shereen Badr
