الثلاثاء، 19 أغسطس، 2014

facebook : VIdeo insights

#معلومة_صغننة #socialmedia #socialnetwork

اعرف احصائيات الفيديو بتاعك على صفحتك : Vedio Insights
من الحاجات المهمة اللي ناس كتير من اصحاب الصفحات على الفيسبوك بيتجاهلوها او ما يعرفوش بيتم استخدامها في اية هي الاحصائيات بتاعتك هتلاقيها في صفحتك اسمها insights وهي بتوضح لك كل اللي بيحصل على صفحتك احصائيات كتير وعليك انك توظفها وتستخدمها صح يعني مثلا من ضمن الاحصائيات دي عدد الناس اللي بتعمل لايك لصفحتك ، نسبة وصول البوستات للمشتركين في الصفحة ، البلاد اللي جايلك منها اللايكات او اكتر بلاد بيجيلك منها متابعين ، اللغات بتاعتهم ، الاوقات اللي بيكونوا فيها اكتيف .... احصائيات كتيرة جدا  مش هتكلم عنها كلها في البوست ده بس هتكلم عن حته صغيرة اوي وهي احصائيات الفيديو اللي بترفعه على صفحتك على الفيسبوك 
facebook video insights
facebook video insights 


من خلال الاحصائيات دي بتقدر تعرف كام واحد وصله الفيديو بتاعك ، كام واحد شاف الفيديو ، كام واحد عمل كليك على الفيديو وكام واحد عمل فيد باك سلبي عن الفيديو وعن الصفحة وعدد التعليقات والشير والكومنت على الفيديو على الصفحة نفسها او من خلال الشير كمان لو حاطط لينك مرفق مع الفيديو زي لينك موقعك مثلا تقدر تشوف كام واحد ضغط على اللينك ده  واحصائيات تانية ممكن تشوفها من خلال صفحتك وتابعها 

طيب فايدة الاحصائيات دي اية ؟
الفايدة انك بتقدر تقيم المحتوى اللي انت بتقدمه للمتابعين ليك وبتقدر تقيس مدى نجاحه او لا وبتقدر من خلال المقارنات انك تعرف اية افضل محتوى بيناسب الشريحة بتاعتك واية اللي بيهمهم فعلا 
ناس كتير بتسأل دايما ازاي اوصل لاكبر عدد ممكن من الناس على صفحتي وازود نسبة الوصول ليهم 
بأنك تقدم محتوى جيد يهتموا بيه وده هتعرفوا من خلال الاحصائيات بتاعتك 

طيب عشان اوصل لاحصائيات الفيديو اعمل اية ؟
بتدخل على insights في صفحتك هيعرضلك Overview للصفحة بتاعتك وهتلاقي فيها كل البوستات اللي انت نزلتها سواء فيديو او صورة او بوست عادي بتقدر تدخل على البوست نفسه لما تضغط عليه وتشوف الاحصائيات بتاعته زي الصورة دي كدة 
#marketing_على_طريقتي
Shereen Badr