الأربعاء، 22 أكتوبر، 2014

هو في علاقة بين ال SEO , وال Social Media ؟


اكيد في علاقة متبادلة بين ال SEO , وال  Social Media بمعنى ان ال Social Media  هي احد العوامل اللي محركات البحث وعلى رأسها جوجل بيقيم بيها موقعك وبتساعده انه يظهر في النتائج الاولى 
ازاي ؟

SEO & Social Media
SEO & Social Media 


كل ما زاد اولا التفاعل على المحتوى بتاع موقعك من حيث الشير واللايك والكومنت كل ما ده دل على ان المحتوى بتاعك كويس ويستحق انه يظهر في المرتبه الاولى وبما ان المحتوى في جوجل من العوامل الاساسية وهو الملك فبالتالي التفاعل على المحتوى مؤشر قوي على قوة المحتوى بتاعك ومن ثم يستحق المراتب الاولى وكل ما زاد التفاعل اكتر على السوشيال ميديا كل ما ده كان في صالحك 

طيب  دي علاقة الsocial media  بال seo  اية  بقى علاقة بقى ال SEO  بال Social Media العكس يعني ازاي بيأثر فيها 

اللي ما يعرفوش ناس كتير انك ممكن تعمل seo  لكل صفحات ال social meida  بتاعتك واللي بينطبق عليها بعض معايير وتقنيات ال seo خاصة في بعض المواقع زي جوجل بلس ولينكيد ان اللي بتقدر تبحث في داخلهم بالكلمات على صفحات واشخاص واماكن واحداث 
هتقولي طب ما هو فيسبوك كمان فيه نفس الخاصية اية اللي ميزهم يعني ؟

اقولك استنى بس جوجل بلس ولينكيد ان فيهم حاجة مهمة كمان انك تقدر تبحث عن بوستات بتتكلم عن موضوع معين او بتحتوي على الكلمة اللي بتبحث بيها
Google plus search
Google plus search

linkedin search
linkedin search


 يعني مهم انك تختار الكلمات اللي بتستخدمها في البوستات بتاعتك تكون كلمات مفتاحية عليها نسبة بحث كبيرة وعشان تعرف الكلمات اللي عليها نسبة البحث بتمشي بخطوات معينه وبتستخدم ادوات زي اداة Keyword planner 

وطبعا فيسبوك مش هيسكت على حاجة زي دي فعشان كدة اعلن من فترة انه بيجرب عملية البحث بالكلمات على البوستات سواء بتاعتك او في الجروبات او الصفحات او عند الاصدقاء ولكن على الموبايل وفي نطاق محدود من الناس يعني لسة ما اتعممتش 

Facebook search about posts
Facebook search about posts


وطبعا هيكون ده من خلال ال Graph Search  بتاعته اللي بتقدر تبحث فيه على اشخاص واحداث واماكن وجروبات بس لحد دلوقتي 
facebook graph search
facebook graph search


مع العلم انك بتقدر من خلال استخدامك لجوجل بالبحث عن كلمات معينه انه يطلع لك بوستات محدده من صفحات ولكن طبعا لو اتفعلت من الفيسبوك نفسه الخاصية دي هتكون اوقع بكتير لأنها على جوجل هو بيعتبرها صفحة على موقع وبيجيبلك مواقع تانية كتير اما لو من على الفيسبوك نفسها فهيكون النتائج اكتر واكثر دقة وتخصص على الفيسبوك لأنه بحث داخل الموقع نفسه الخاصية دي هتكون مفيدة كتير جدا للناس اللي بتشتغل seo على صفحاتها 

فكل موقع تواصل اجتماعي جواه Search Engine عليك انك تعمل Optimization  صح لصفحاتك عشان تقدر تظهر في البحث الداخلي للموقع وكمان البحث بتاع جوجل وغيره من محركات البحث 

اذن في علاقة وطيده بين السوشيال ميديا وال SEO يعني لو حضرتك شغال SMM  لازم يكون عندك فكرة عن ال SEO عشان تقدر تدير صفحاتك بشكل احترافي اكتر ويساعدك على ان صفحاتك توصل لعدد اكبر من الناس المستهدفة 

#عايز_تنجح_ساعد_غيرك_ينجح
Shereen Badr