الأحد، 3 مايو، 2015

لية ال Backlinks اللي بنيتها لصفحة على موقعك مش بتساعدك تزيد في ال Rank ؟

مشكلة بتواجه الناس اللي بتشتغل في ال #SEO 
لية ال Backlinks اللي بنيتها لصفحة على موقعك مش بتساعدك تزيد في ال Rank ؟

Matt Cutts
Matt Cutts 




ده سؤال جاوب عليه Rand Fishkin   الاسبوع ده على مدونة Moz ممكن تشوفوا الفيديو 



فعلا موضع بناء الروابط ده عامل ازمة لناس كتير لأن ببساطة جوجل مش عايزك تبني روابط جوجل عايزك تكسب روابط بطرق طبيعية 

طيب خلونا نقول انك لو عايز الصفحة بتاعتك تفضل محلك سر وما يتغيرش ال Rank  بتاعها اعمل اللي هقولك عليه ده  ( طبعا الصح انك تعمل عكس اللي هقوله وخلي بالك ان الروابط هي احد العوامل اللي جوجل بيقيم عليها موقعك يعني ممكن بشغل تاني تقدر انك تعلا في الرانك 

- ابني روابط كتير من موقع واحد 
- اهتم بالكم مش بالكيف انسى جوده الرابط خالص 
- ابني روابط في مواقع مختلفة بس خدها كلها من مكان واحد زي ال footdr , 
right sidebar
- ابني روابط في مواقع قليلة في ال authority 
- ماتنساش تاخد روابط منت منتديات وادلة مواقع ومن تعليقات المدونات ( جو قديم اوي ماحدش بقى يعمل كده اصلا )
-ابني روابط في مواقع مالهاش اي علاقة بالمجال بتاعك 
- اعمل محتوى على موقعك اقل من سقف توقعات ال User 
- ما تجاوبش على اسئلة ال User وانسى خالص  Hummingbird 
- ابني الروابط لمحركات البحث ومش مهم ال User  اصلا يا راجل كبر مخك User اية اللي يفرق معانا اصلا 
- اعمل المحتوى مالوش علاقة باللي ال User بيدور عليه ولا تديله معلومة مفيدة 
- ماتنساش وانت بتختار الدومين بتاع موقعك في البداية خالص انه ما يبقاش له علاقة بالمحتوى اللي هتكتبه على الموقع اساسا 
- ما تهتمش بتجربة ال User على موقعك و خلي ال Bounce Rate يكون عالي 
- ماتهتمش بالجزء ال technical على موقعك
- خلي الروابط تروح على صفحة 404 

لو عملت الحاجات اللي فوق دي اوعدك انك الروابط الخارجية مش هيكون لها اي لازمة وموقعك مش هيتقدم في الترتيب خطوة واحدة  :D

طيب خلونا نقول بقى بجد لازم تهتم بأية 
- أهتم بتجربة ال User على موقعك كل ما كان ال User مبسوط جوجل هيكون مبسوط وده معناه انك هترتفع في الترتيب 
- اهتم بالمحتوى وقدم حاجات لها قيمة بجد ممكن تشوف الفيديو ده بيتكلم عن الجزئية دي
 - السوشيال ميديا خاصة جوجل بلس من الحاجات المهمة 
- اظبط الجزء ال technical  على موقعك 
- لو كنت مكان موجود على الارض فعلا اهتم جدااااااااااااااااااااااا بال Local seo 
- الموبايل الموبايل الموبايل خلي موقعك متوافق مع الموبايلات وممكن تختبره على الاداة دي Mobile Friendly Tool

كفاية عليكم كده النهاردة ولنا عوده مرة اخلى اعزائي المشاهدين مع ال SEO

اكيد مش هقولك اعمل شير والجو القديم ده لو حاسس انك استفدت فيد غيرك بأي طريقة ما توقفش المعلومة عندك ( اقتباس من حملة شيبسي ماتوقفش الضحكة عندك :D )
تحياتي 
 shereen badr