الخميس، 9 مايو، 2013

النصب على سلمى صباحي باسم التسويق


سلمى صباحي على صفحتها من ساعة بس تكتب انه اضحك عليها وراحت فلوسها بشركة جلوبال


حيث قالت
انا سلمى صباحي مصريه زي آلاف المصريين العاديين اللي حلموا بمرتب ثابت بدل ماهم مش لاقيين شغل وحلموا ببيت ملك بدل الايجار اللي قاطم ضهرهم وحلموا بمدرسه كويسه لعيالهم يتعلموا فيها بجد وحلموا بعربيه بدل بهدلة المواصلات وحلموا بعمره ولا حج وحلموا حتى يشتروا معاش عشان يضمنوا دخل لولادهم بعد مايسيبوهم يعني ببساطه حلموا بحياه أفضل لكن للاسف اتضحك علينا وفلوسنا راحت في شركة جلوبال أد مارت .. انا عملت امبارح محضر عشان اثبت حقي وحق زوجي وأقاربنا وانتظر من القضاء انه يرجعلي ويرجع لكل الناس حقوقها المنهوبه .. وللأسف تم استغلال اسمي وفوجئت انهارده على بعض المواقع الاخباريه ان فيه بلاغ متقدم ضدي من واحد بيقول اني اخدت منه فلوس والحقيقه اني معرفش الرجل ده ولا عمري شفته وهاتخذ كل الإجراءات القانونيه ضده وضد بلاغه الكيدي الكاذب لرد اعتباري..




من فترة كنا كتبنا موضوع عن بعض الشركات اللي بتستخدم التسويق الشبكي ووسائل الربح السريع بطرق تربح منها لكن بيكون في الاخر ضحايا بيضحك عليهم باسم الربح والمكسب
وفي ناس كانت مضايقة من التدوينه وشايفة اننا كدة بنحاربهم في مصدر دخلهم
ده كان الموضوع اللي كتبناه اسرع طريقة مكسب التسويق الشبكي عموما وجب التنبيه مش اي حد يوهم بالمكسب السريع تجري وراه فكر الاول وفي طرق كتيررررررررررررررر اوي تقدر تكسب منها غير الفهلوة والضحك على الناس