انتظرنا لمدة 30 دقيقة .. خدمتكم سيئة.
رسالة تركت لإدارة احد المطاعم للتعبير عن الاستياء من مستوى الخدمة .
 |
| marketing |
العميل ده كتب ان الخدمة سيئة وراح وممكن ما يرجعش تاني لكن المطعم استفاد انه عرف ان في عنده مشكلة لكن المشكلة الاكبر ان عشر عملاء للمطعم هيروحوا من غير ما يقولوا اي حاجة وبردو مش هيرجعوا تاني وهنا المطعم عمره ما هيعرف ايه المشاكل اللي عنده
طبعا العميل ده ما لقاش اي اهتمام من ادارة المطعم حتى بإنهم يسيبوا استقصاء للعملاء على الترابيزة او في مكان مخصص لترك اقتراحاتهم او ارسال مشاكلهم مع المطعم ودي من الحاجات المهمة جدا اللي بتسمح للمطعم التعرف على السلبيات اللي موجوده وبالتالي يطور من اداءه وخدماته
الاهتمام بالعميل من اهم ادوات النجاح والاستمرار تخيلوا بقى العميل ده قال لكام واحد ما يروحش المطعم ده تاني
والكارثة بقى لو عمل كدة وراح منزل الصورة دي على مواقع تواصل اجتماعي وانتشرت بين الناس مع ذكر اسم المطعم تخيلوا النتيجة السلبية اللي هتعم على المطعم بسبب اهمال احد الاشخاص في الاهتمام بالعملاء واحنا اتكلمنا قبل كدة عن الاهتمام بالعملاء ممكن يعمل اية زي مثلا ستاربكس وزي مخبز panera
عايز تنجح : اهتم بعملاءك فالعملاء هم مصدر دخلك
