الاثنين، 14 أبريل، 2014

اهم 10 اسئلة عن ال seo


 1 - ما هو ال seo ؟
هي اختصار لـ search engine optimization. وهي تهيئة الموقع لمحركات البحث زي جوجل وياهو وبينج والمقصود بيها جلب زوار طبيعية لموقعك بدون عمل اعلانات مدفوعة

seo
Seo




2 - ما الفرق بين ال seo  و الاعلانات المدفوعة على adwords  ؟
ال seo  هو جلب زيارات لموقعك ببلاش من غير ما تدفع فلوس وده بيكون من خلال تهيئة الموقع لخوارزميات محركات البحث بطرق معينه بحيث تظهر في النتائج الاولى لمحركات البحث زي جوجل ودي بتكون ببلاش
اما الاعلانات المدفوعة على ال adwords فدي بتكون الظهور في محرك البحث في النتايج الاولى ولكن بدفع مبالغ لجوجل عشان تظهر في الاول بدون عمل مجهود في تهيئة الموقع لمحركات البحث او هو الاسراع بالظهور في محركات البحث مع العمل على ال seo  واللي بياخد وقت اطول بكتير عشان توصل في الصفحة الاولى.

seo-sem
seo-sem


3-  ماهي ميتا العنوان وميتا الوصف
ميتا العنوان هو جزء العنوان اللي بيظهر في محرك البحث اما ميتا الوصف هو اللي بيظهر تحت العنوان في محرك البحث وده اللي انت بتكتبه هو والعنوان بعد ما بتكتب المقال على موقعك وده الهدف منه جذب المستخدم بجزء من المقال او بوصف للمقال بطريقة جذابة وده بيكون فيه الكلمة المفتاحية اللي بيبحث عنها المستخدم

Meta Description

Meta Description
4- اية الفرق بين ال  internal links و ال  inbound links  و ال outbound links؟
ال internal links  هي الروابط اللي بتربط بيها موقعك ببعضه يعني مقالات داخلية بتربطها بمقالات تانية في نفس الموقع او المدونة اما ال inbound links  فدي اللينكات الخارجية اللي جاية لموقعك من مواقع تانية 
اما الoutbound links  فدي اللينكات اللي انت بتحطها في موقعك لمواقع تانية برة يعني مثلا لما تستشهد بموقع كبير زي وكيبيديا فتحط اللينك بتاعه عندك يعني اي لينك خارج من موقعك هو outbound

5- اية الفايدة من ال internal links امتى استخدمها وبنسبة قد اية ؟
الروابط الداخلية الهدف منها ربط المحتوى ببعضه وده بيقوي من موقعك بالنسبة لمحركات البحث وبيخلي اليوزر يقعد فترة اطول على موقعك وده من الحاجات اللي بتدي مؤشر قوي لجوجل ان موقعك بيحتوي على محتوى جيد يستحق انه يظهر في الاول امتى تستخدمها فدي على حسب المحتوى بتاعك لو في لازمة او مناسبة انك تستخدمها فاستخدمها واربط المواضيع ببعض لكن تستخدمها بنسبة قد اية فحاول ما يكونش استخدامها بكثافة لأن الشيء اللي بيزيد عن حده بيتقلب لضده
6- هل لازم عشان اشتغل seo اكون عارف برمجة ؟
اكيد لا مش محتاج تعرف برمجة بشكل احترافي لكن هيكون مهم لو عرفت الاساس عشان تكون فاهم طبيعة شغلك وطبيعة شغل محركات البحث
7- اية الفرق بين ال  indexed و ال  crawling؟
محركات البحث بتطلق عناكب الزحف على موقعك لما بتنزل محتوى جديد فبتدخل الموقع عشان تأرشفة وده المقصود بال crawling  اما عملية ال indexed فدي عملية حفظ المحتوى بتاعك في اندكس عند جوجل عشان لما حد يبحث عن حاجة لها علاقة بالمحتوى بتاعك يقدر يطلعها في محرك البحث بتاعه فعملية الارشفة مش بتم غير بإتمام عملية الزحف لموقعك من عناكب البحث


8- اية هي العوامل اللي تساعدني اظهر في محرك البحث في النتايج الاولى بسرعة ؟
في اكتر من 200 عامل بتستند عليهم محركات البحث في عملية اظهار النتائج اهم العوامل دي
- سرعة الموقع
- المحتوى الجيد
- مدى ترابط الموقع داخليا
- السوشيال ميديا للموقع خاصة جوجل بلس
- اللينكات الخارجية اللي بتشير للموقع بس تكون من مواقع موثوقه من جوجل ولها سلطة عالية
- مدى تطابق الموقع بما يبحث عنه الزائر
- مدة وجود الزائر في موقعك ومعدل خروجة من الموقع
- استخدام ال Keywords المستهدفة بطريقة احترافية في المحتوى 
- استخدام  العناوين h1 ,h2,h3
- ميتا العنوان والوصف 
- استخدام وصف وعنوان للصور والاهتمام بالنص البديل 
keywords-seo
keywords-seo


9- هل في ادوات تساعدني اقدر اراقب موقعي من الداخل ؟
في ادوات كتير منها اللي بتقدمهولك جوجل مجانا زي جوجل اناليتكس وجوجل ويب ماستر ودول مافيش غنا عنهم ابدا لأنك بتقدر تقيس بيهم كل حاجة بتحصل على موقعك وترجم ده لفعل يحسن من موقعك وفي ادوات تانية زي موقع moz.com اللي بيقدملك احصائيات تانية بردو بتساعدك في فهم طبيعة الزائر لموقعك ومتطلباته وازاي تقدر تطور موقعك

10-  امتى يخلص الشغل في seo ؟
الشغل في ال seo  مستمر وما بيخلصش طول ما الموقع موجود انت محتاج تبقى موجود على محركات البحث وخلي بالك ان المنافسة بتكون كبيرة فلو ما اشتغلتش في غيرك بيشتغل وهياخد مكانك وانت هتتراجع لحد لما تبقى مش موجود
google
google

دي كانت اهم اسئلة الناس بتسألها في مجال الseo  لو عندك اسئلة تانية ابعتهالنا واحنا هنجاوب عليها

اعرف أهم نصائح لأصحاب المواقع ومنشيئي المحتوى 
تحياتي