فيه أسطورة إغريقية بتقول إن الـMarketing أو التسويق مبنى على 3 قواعد أساسيين، لازم تعرف وتفهمهم كويس عشان تقدر تنجح فى المجال ده، وتقدر تنجّح المنتج أو الخدمة اللى إنت بتشتغل عليها.
الـ3 قواعد دول هما:
1. Principle of Customer Value:
ودى يا سيدى بتقولك إنك لازم عشان تحول الـAudience بتوعك لـCustomers حقيقيين يشتروا المنتج أو الخدمة بتاعك، لازم تكون بتفيدهم بحاجة، لازم تكون بتـAdd Value للناس دى عشان لما يستفيدوا منك هيحبوك، ولما يحبوا الـBrand هيثقوا فيها، والمرحلة اللى بعدها إنهم هيشتروا منك.
2. Principle of Differentiation:
بيقول بقى إنك مش بس لازم تضيف قيمة وتفيد الناس، إنت كمان لازم وإنت بتتعامل مع الـAudience بتوعك تحسسهم إنك مختلف عن أى حد تانى بيقدم نفس المنتج بتاعك. وإن شاء الله هنتكلم عن الجزء ده بالتفصيل فى المقال الجاى.
3. Principle of Segmentation, Targeting, and Positioning:
هنا إحنا بنتكلم بقى عن تحديد الفئات اللى هتشتغل معاها، وكمان الطريقة اللى هتوصلهم بيها لكل فئة، وأخيرًا بتحدد مكانك عند الناس، يعنى بتحدد إنت عايز لما الناس تسمع إسم الـProduct بتاعك تحس بإيه.
المقال الجاى إن شاء الله هنتكلم فيه عن "إزاى أقدر أتفوق فى السوق؟"
كتبها: محمد أمين
