تقول الأسطورة ان الشركات محتاجة للتدوين عشان ده مهم جدا بالنسبة لمحركات البحث خاصة جوجل وعشان يكون في محتوى متجدد وحصري ودائم للموقع بتاعك انت كشركة محتاج يكون عندك مدونة تكتب فيها لأن ده هيكون له اثره الايجابي والفعال على شغل ال seo لأن زي مانتوا عارفين ان المحتوى هو الملك
السؤال بقى ممكن تكتب في المدونة اية ؟
انا اقولك او كما تقول نفس ذات الاسطورة ان المواضيع اللي ممكن تكتب عنها كشركة ممكن تبقى
- تاريخ الشركة وانشطتها ، الرؤية والاهداف
- كيفية استخدام منتجات الشركة
- اخبار عن الشركة وعن المشاريع الجديدة فيها والاحداث اللي بترعاها الشركة زي كوكا كولا مثلا والرعايات اللي بتعملها زي كاس العالم والدورات الرياضية للناشئين
- نصائح للعملاء بشكل عام يكون لها علاقة من قريب او بعيد عن المنتجات او الخدمات اللي بتقدمها
-معلومات مهمة ومفيدة وتهم العميل وبردو تكون قريبة شوية من الخدمات اللي بتقدمها يعني مثلا خلينا ناخد دانيت المنتج بتاعها الحلويات ودايما تقدم وصفات لاكلات حلوة ممكن تستخدم فيها المنتجات بتاعتهم ، اكتيفيا دايما تقدم نصايح عن الرشاقة والخصر النحيف وهلم جرجر
- كتب الكترونية وانفوجرافيكس وفيديوهات وصور لها علاقة بالمجال بتاعك زي ما بنشوف في مواقع الابلكيشنز او المواقع اللي بتبيع Tools مثلا اللي بتكتب تدوينات خاصة بمواقع التواصل الاجتماعي والتسويق الالكتروني زي مدونة buffer وغيرها كتير
بس خلاص
