الثلاثاء، 24 يونيو، 2014

ازاي تعملي Optimization لنفسك عشان تظهري في محركات بحث العرسان

الجواز على طريقة ال Marketers -3
ازاي تعملي Optimization  لنفسك عشان تظهري في محركات بحث العرسان <3 



تحذير هذا المقال للبنات فقط اشوف ضل شاب في المقالة مش هقولكم هعمل فية اية 
شيفاك ياللي لسة مكمل قراية اطلع برة البروفايل حالا o.O 
بسسسست يا انسة ممكن لحظة بقولك اية انت عاملة Optimization  لنفسك ولا لا 
يعني اية Optimization ؟ 
يعني عاملة تهيئة لنفسك ولا لا ؟
يعني اية تهيئة ؟



طيب نحكي القصة : اتكلمنا في المقالة اللي قبل دي ووجهنا كلامنا للشباب B|  B|  B|  B|  B| في ازاي تلاقي عروسة Organic  وقولنا ان في نوعين من العرايس عروسة Organic وعروسة زي اعلانات جوجل المدفوعة اية بقى حكاية العروسة ال Organic  دي انا اقولك .

لما العريس B|

  بيقرر انه يتجوز  <3  أول حاجة بيفكر فيها انه يسأل اللي حوليه B|  8-)  :)  O:)   عن عروسة  <3  وبيكون محدد لها مواصفات معينه المهم بقى اللي حوليه دول B|  8-)  :)  O:) بيرشحوا له مجموعة من العرايس <3 <3 <3 <3  وهو بيقرر يتقدم لأي واحدة فيهم طيب الناس اللي بترشحله دول بيكونوا مين ؟

زمايلة في الشغل ، جيرانه ، قرايبة ، والدته وطبعا بما انهم ناس ثقة بالنسبة له فبيسالهم B|  8-)  :)  O:)
ازاي بقى حضرتك تكوني واحدة من المرشحين دول  <3  ولية دول بالذات اللي بيتم ترشيحهم لأنهم ثقة والثقة دي ماجتش من فراغ دي ليها تاريخ من معاملات ، سمعة ، اصل ، دين ، تربية وحاجات كتير اوي وهي دي العروسة  <3  ال Organic  اللي بيرشحها الناس B|  8-)  :)  O:)  للعريس B|  عشان فيها مواصفات خاصة تخليهم يتكلموا عنها بشكل كويس 

طيب المواصفات دي بقى تتعمل ازاي ? هي دي بقى ال Optimization 

هديكي شوية نصايح كدهون تحطيها حلقة في ودنك 

- اوعي تكوني عروسة Paid  3 :)  زي اعلانات جوجل قولنا يعني مش اول ما تعرفي ان فلان بيدور على عروسة تتجنني وتقفي على دماغك لحد لما يجيلك تؤتؤ اتقلي كدة واركزي عشان يجيلك العريس المناسب  لأنك انت مش اي حد 
- لازم تشتغلي على نفسك شوية داخليا يعني اية يعني تعملي تهيئة لشخصيتك من حيث الشكل والمضمون 



- المضمون اعتبري نفسك Brand  (y)   يعني اية ؟ يعني ليكي شخصيتك ، هويتك ، مظهرك ، اسلوبك الخاص اللي بيميزوكي عن اي حد تاني يعني مثلا مش كل ما تطلع موضة هبلة تجري وراها مرة في مرة هتضيعي شخصيتك ومش هيكون ليكي هوية خاصة بيكي ، ما تقلديش حد ، ما تسمعيش كلام صحباتك اللي تقولك اتكلمي بالطريقة الفلانية او امشي بالطريقة الفلانية او البسي كذا او اعملي كذا خليكي طبيعية عشان يجيلك الشخص اللي شبهك اللي انت بتحلمي بيه 

- خليكي مميزة (y)  في حاجة واحدة وابدأي كبريها وبروزيها يعني مثلا انت اشطر دكتورة في المستشفى ، احسن مدرسة في المدرسة ، البنت الوحيدة في الشارع اللي ما بتلبسش ضيق ، اكتر موظفة منضبطة في كل حاجة في الشركة ، عندك هواية او موهبة ابرزيها يعني بتعرفي تكتبي ، ترسمي ، تطبخي حتى المهم ان في النهاية انت عندك مجموعة من المميزات انت اول واحدة عرفاها قبل اي حد تاني مهم انك تكوني واثقة في نفسك والثقة دي هتيجي لما تكوني عارفة قدرك كويس 

- طوري من نفسك دايما بلاش يفوتك قطر التطوير يعني مش معنى انك اتخرجتي من جامعة ولا معهد خلاص تستني العدل في البيت :/   تؤتؤ الدنيا دلوقتي بقت غير زمان ثقفي نفسك ، اقري كتير ، اتفرجي على العالم الخارجي مش بعين الانبهار لأ بعين اللي عايزة تطور من نفسها وتبقى احسن وطبعا الانترنت دلوقتي بيخليكي تلفي العالم وانت قاعدة في مكانك  



- حافظي على سمعتك لأن هي دي أهم حاجة عند البنت يعني مش كل يوم والتاني تكلمي شاب ، تخرجي مع حد ، مافيش حاجة اسمها بتسلى او بضيع وقت لأن كدة انت بتضيعي في سمعتك انت اللي الناس هتتكلم عنها سواء كويسة او وحشة 
وافتكري انك براند والبراند هو اللي الناس بتتكلم عنه وهو مش موجود فشوفي بقى انت عايزة الناس تقول عليكي اية 

- تاني ما تجريش ورا موضة لفة الطرحة السبانش اصلا الاسبان ما بيلبسوش طرحة ، او اكبر الحجاب وتبقى دماغك قد القنبلة الذرية ، الألوان بلاش الألوان الصارخة اوي وتمشي تنوري في الشارع وكل يوم ليكي ألوان غريبة خلي بالك ان الألوان لها معاني ومدلول لكل لون يعني مثلا اللون الاحمر بيقول ان الشخصية دي شخصية حيوية وعندها طاقة وبتحب الحياة ، اللون الون الازرق مثلا بيدل على الشخصية الجادة والحساسة ، اللون الاصفر بيدل على التفاؤل والحكمة والمثالية ، اما اللون البرتقالي بيدل على الشخصية الاجتماعية يعني كل لون من بيكون له مؤشر على شخصية زي بالظبط الالوان في ال Marketing   لكل Brand (y)    لون بيعبر عنه زي مثلا الازرق يعني الثقة وعشان كدة هتلاقية في لوجوهات البنوك وشركات تداول الاوراق المالية ، الاحمر مثير للجوع وعشان كدة بتلاقيه في الوان البراندات بتاعة الاكل زي كنتاكي ، الاخضر لون فيه طمأنينة وهدوء وعشان كدة بنلاقية في المستشفيات ، البرتقالي لون مبهج عشان كدة بتلاقية في البراندات اللي فيها لعب وشقاوة زي ماكدونالدز ودريم بارك 
وزي ما قولت لك انت براند فاختاري الألوان اللي تعبر عن شخصيتك طبعا مش هتثبتي اكيد على لون واحد ولكن خلي الوانك متناسقة تعبر عنك 


- بلاش تكوني جافة ، حادة  >:(  في تعاملاتك وفي نفس الوقت بلاش تكوني لينة =D لدرجة ان حد يفهمك غلط خليكي معتدلة في تعاملاتك وسط :)  محافظة على احترامك لنفسك لأن احترامك لنفسك هيخلي الناس تحترمك 

- مظهرك مهم جدا زي المضمون بالظبط بلاش تكلف ، البساطة غالبا ما بتكون افضل وما تخليش الناس تقلق منك 



- دي شوية نصايح كدهون لو عملتيها يبقى كأنك عملتي تهيئة داخلية لنفسك طبعا لسة في حاجات تانية كتير هنتكلم عنها المرات الجاية 

اه صحيح نسيت اقولكم  لو اعتبرنا ان العروسة هي ال  Website  هتعرفوا ان كل اللي اتكلمت عنه ده جزء من ال #seo الجزء ال technical  اللي بيكون جوه الموقع نفسه اهم حاجة سمعة الموقع ، هويته ، ألوانه ومظهرة ، سهولة استخدامة ، سرعته ، اسلوبه كل دي حاجات مهمة في ال seo 

يالا اشوفكم المرة الجاية وهنكمل كلام عن ال Optimization  اللي يساعدك تظهري في محركات البحث بقوة <3 <3  <3 

Shereen Badr