#معلومة_صغننة
ناس كتير بتسأل ازاي اكبر صفحتي على الفيسبوك واستفيد منها في شغلي
بص يا سيدي مش مهم صفحتك وصلت لكام الف شخص المهم كام منهم فعلا متفاعل معاك في صفحات كتير فيها مئات الآلاف ومافيش عليها تفاعل يبقى كل الكلام ده مالوش لازمة المهم انك توصل للشريحة اللي عايز تستهدفها في شغلك وخد بقى شوية النصايح دي كمان :
 |
| increase facebook likes |
- لازم تقدم للناس قيمة تفيدهم فعلا وتساعدهم من خلال معلومة ، فكرة ، نصيحة لشغلهم ... يعني لازم تقدم محتوى قوي يهم الناس ويعبر في نفس الوقت عن شغلك
- اهتم بالصورة لأن الصورة بألف كلمة وهي اللي بتخلي الشخص يقرر اذا كان يكمل قراءة الموضوع او لا
- ماتخليش صفحتك تترب من قلة البوستات وبردو مش بكترها المهم التوازن يبقى في بوستات على صفحتك مفيدة وتهم الناس وتقدملهم قيمة
- اختار الوقت الصح اللي تحط فيه البوستات بتاعتك وده مرتبط باحصائيات صفحتك اللي بتقولك اكتر وقت الناس بتكون موجوده فيه في اليوم امتى واكتر ايام في الاسبوع الناس بتكون موجوده فيه بردو امتى
- نوع في المحتوى بتاعك يعني مش كله صور ومش كله فيديو ومش كله كلام ومش كله لينكات بس نوع واعمل ميكس بين كل دول
- رد على الناس ، لازم ترد على الناس وتتفاعل معاهم ماينفعش تبقى انت في وادي والناس في وادي تاني خالص
- اهتم باحصائيات صفحتك لأنها مفتاح معرفتك بطبيعة الناس اللي على الصفحة ميولهم و اهواءهم ، جنسياتهم ولغاتهم ، اية اكتر حاجة بيحبوها ......
- ركز على الناس اولا واخيرا ، حب الفانز بتوعك هيحبوك وهيتفاعلوا معاك
- اهتم بالتعليقات السلبية من الناس واقبلها وحاول تصلح من نفسك اوعى تمسح كومنت مش عاجبك الا لو خارج عن السلوك اللائق ووجوده يضايق باقي الفانز
- خليك دايما صادق في اللي بتقوله واوعى تستخدم اساليب الاشاعات والفرقعة الرخيصة لأن الناس عمرها ما هتثق فيك بعد كدة
- خليك دايما مبدع في مجالك ومميز
SHEREEN BADR
