ازاي تبحث عن عروسة Organic

#عايز_اتجوز :D

الجواز على طريقة ال Marketers -2

ازاي تبحث عن عروسة Organic   

لو انت شاب ومقبل على الجواز طبيعي انك هتبدأ تبحث عن عروسة في محيط العيلة والاصدقاء والمعارف 

خليني اقولك بقى على طريقة ال Online Marketers  لما بيجوا يدوروا على حاجة 

بص يا سيدي لو اعتبرنا ان العروسة دي هي ال website اللي انت بتدور عليه فطبيعي انك هتفتح محرك بحث زي (جوجل ، ياهو ، بينج ) وهم دول العيلة والاصدقاء والمعارف واهم محرك بحث طبعا فيهم هي الام ودي اللي عاملة زي جوجل بالظبط نتايجها كلها مضمونة وموثوق فيها  اللي بتبدأ تدور فيهم الاول على فتاة احلامك O:)  <3 

المهم بتبدأ تدور بشكل محدد يعني بتقول عايز عروسة تكون محجبة و طويلة ، عروسة مهندسة بشعر اصفر وعنين خضرا ، عروسة دكتورة واخلاقها عالية ... :D

كدة حضرتك استخدمت keywords عشان تلاقي العروسة بتاعتك بشكل محدد وواضح وصريح وده طبعا الافضل انك تحدد انت عايز اية بالظبط لأنك لو جيت قولت مثلا انا عايز اتجوز عروسة وسبتها عايمة في الفضاء ممكن يجيبلك مثلا واحدة مش مناسبة ليك فانت بتحدد والتحديد ده هو اللي هيوصلك لطلبك بالظبط <3 

لما تبدأ تبحث هتلاقي نوعين من العرايس في واحدة هتعرف انك بتدور على عروسة من قريبتها مثلا او تكون جارتكم او زميلتك في الشغل فتبدأ تظهر قدامك في اي مكان واي حته  وتحاول تلفت نظرك بأي شكل من الاشكال دي بالظبط عاملة زي الاعلانات المدفوعة بتاعة جوجل ادوردز اللي بتظهر في بداية الصفحة وعلى اليمين :v 

وفي نوع تاني هتلاقي الناس هي اللي بترشحها ليك بقوة لأنها فعلا مناسبة ليك جدا وسمعتها عندهم كويسة جدا وهي دي اللي انت بتدور عليها وهي دي العروسة ال organic اللي بتكون عاملة seo  لنفسها يعني search engine optimization  او بمعنى ادق مجهزة نفسها بشكل كويس لمحركات بحث العرسان يعني اية ؟ o.O 

 دي  قصة  تانية هبقى اتكلم عنها في بوست تاني منفصل عشان نقول للبنات  ازاي تعملي Optimization  لنفسك  عشان تظهري في محركات بحث العرسان بسرعة وفي النتايج الاولى وبقوة <3 ;) بس ده هيبقى بوست بيني وبين البنات بس اياك اشوف ضل user  قصدي راجل هناك :D

لو ما قريتش الجزء الاول ازاي تتقدم لعروسة على طريقة ال Marketers  الحق اقراها 

Shereen Badr