الاثنين، 14 يوليو، 2014

klout Score

#معلومة_صغننة 

سمعتوا عن حاجة اسمها klout Score  الاداة دي جامدة جمودية الجمدنة دي بقى بتفيد في اية 
اولا في موقع اسمه Klout.com الموقع ده بتقدر من خلاله تشوف درجة تأثيرك في مواقع السوشيال ميديا يعني اية هو بيشوف نسبة التفاعل معاك على السوشيال ميديا بتاعتك فيسبوك وتويتر وانستجرام ولينكيد ان ويبدأ يشوف درجة تأثيرك في المتابعين بتوعك كبروفايل مش صفحة ويديلك في النهاية درجة من 100 يقولك درجة تأثيرك كام وهو ده ال klout score  طبعا اعلى من 50 ده شيء كويس 


ومش بس كدة ده له مميزات تانية كتير جدا زي مثلا انه بيقولك درجة التفاعل على كل بوست او تويته بتحطها قد اية 
بيقولك درجة تأثيرك في كل موقع تواصل لوحده قد اية 
بيقولك افضل وقت تنشر فيه بوستات امتى بالظبط في اليوم 


بيقترح عليك ناس تتابعهم في المجالات اللي حددتها من البداية 

بيقترح عليك افضل المواضيع اللي ممكن تهمك في المجالات اللي حددتها في الاول بردو يعني مثلا انت محدد انك بتابع كل ما يتعلق بالتسويق فيبدأ يقولك اكتر مواضيع عليها نسبة تفاعل ممكن تتابعها ومين من الاشخاص المؤثرين اللي ممكن تتابعهم في نفس المجال 
كمان ممكن تنشر من خلاله البوستات بتاتعك وتجدولها بوقت محدد زي ما تحب او تعمل شير للموضوعات اللي بيعرضهالك ممكن تشيرها مباشرة على فيسبوك وتويتر 
ومميزات تانية هسيبكم تكتشفوها لوحدكم 


بتسجل فيه اكونت عادي وبتربطه بمواقع التواصل الاجتماعي بتاعتك 
وطبعا كل المعلومات دي انت اللي تقدر تشوف هتستفيد منها ازاي لأنها بتختلف من شخص للتاني 
الادوات كتير المهم هتستخدمها ازاي هو ده السؤال 
طبعا الموقع مجاني 
بس خلاص 
#عايز_تنجح_ساعد_غيرك_ينجح
Shereen Badr