طبعا الانفوجرافيكس دلوقتي من الادوات التسويقية المهمة في مجال الاونلاين ماركيتنج
وطبعا هو عبارة عن رسومات توضيحية لبيانات ممكن تبقى عن اي حاجة انت عايزها طب انت عارف ان في ناس عملت السيرة الذاتيه بتاعتهم على شكل انفوجراف اه والله زمبؤلك كدة
طبعا اكتر ناس بتحتاجها هي الشركات ممكن تعمل احصائيات عن الشركة نفسها او عن منتجات الناس بتستخدمها او خدمات او اي حاجة كمان مواقع وصفحات سوشيال ميديا بيستخدموها كتير لأنها حاجة جذابة جدا وبيكون عليها نسبة شير عالية
الكل يبحث عن انفوجرافيكس
طب لية ما تعملش حاجة خاصة بيك ؟ طبعا محتاج مصمم يدخلك البيانات دي في تصميم ويفضل بقى يزهقك ويطلع التصميم مش مظبوط ومش هو ده اللي انا عايزة وعيد من الاول وشغالة
اية رأيك بقى ان في اداة ممكن تعملك كل حاجة وانت بنفسك اللي هتشتغل عليها مش محتاج تجيب حد يعملك الكلام ده على فكرة الكلام ده كمان هيساعد المصممين اللي شغالين لأنه هيوفر عليهم وقت كتير اوي ومجهود مجرد انك تجيب الاحصائيات تحطها على التصميم يطلع لك انفوجراف يعبر عنك وهو ده قمة الاعجاز العلمي
الاداة دي ممكن تعملك الكلام ده مجرد انك تكتب فيها البيانات وهي بتديك التصميم وبتغيرك في اشكال الاحصائيات
بناءا على البيانات اللي بتديهالها
تعالوا بقى اقولكم ازاي
اولا بتدخل بحساب الفيسبوك او جوجل بلس في ثواني هتلاقي نفسك بتستخدم الاداة من غير تسجيل ووجع قلب
اختار اللي انت عايز تشتغل عليه هل عايز انفوجرافيكس ، بانرات ، تقارير ، ولا برزنتيشن
بعد كدة بتديك اكتر من شكل في اللي بفلوس وفي اللي مجاني خلينا في الي مجاني
اختار الشكل المناسب ليك وابدأ ضيف البيانات اللي انت عايزها نص بقى ، صور ، احصائيات مجرد انك تضيف بس الارقام وهي هتغيرك الشكل التوضيحي للاحصائيات ومش بس كدة ده انت كمان ممكن ترفع شيت اكسل بارقامه بسلطتاته بابا غنوجه عشان يتحول للشكل التوضيحي زي الارقام بالظبط
وممكن كمان تستخدم اشكال الخرايط اللي موجوده مجرد انك بتحط الارقام وشكل الخريطة بيتغير
وطبعا انت تقدر تحكم في نوع الخط وحجمه وشكله و لون الخلفية وكل حاجة تقريبا
وبعدين بتعمل للشكل داونلود على جهازك او تعملها حفظ على حسابك على الموقع ده او تعملها شير على مواقع التواصل الاجتماعي بتاعتك مباشرة
بس خلاص
