استخدام الاحداث الجارية في التسويق والترويج لشركتك
شركة سياحة مصرية ماهمهاش اللي بيحصل في تركيا وما شافتش ان ده ييعطل مصالحها بالعكس استخدمت الاحداث بطريقة تانية تفيد عملها في مجال السياحة دي كمان حولت عامل الطرد لعامل جذب
 |
| TURKISH REVOLUTION |
اتعاملت مع احداث الثورة التركية ان صح تسميتها ثورة على انها معلم سياحي ممكن تروح وتشوفه بنفسك وتعيشه وتستمتع بيه
الاعلان بيقول
أكتشف الثورة التركية | الأن
٨ أيام ٧ ليالي
ب ٣١٩٠ جنيه فقط لاغير
*شاملة الطيران و الأقامة و الأنتقالات
طبعا احنا كنا اتكلمنا قبل كدة ان المسوق الشاطر هو اللي يشوف الاحداث الجارية ويستخدمها لصالحة زي ما حصل مثلا في استراليا وشركة التأمين اللي عملت تأمين على اوباما ضد العض وطبعا كانت وسيلة رائعة للترويج باستغلال زيارة اوباما لاستراليا
كمان استغلال كارثة منجم تشيلي من قبل شركة اوكلي بتاعة النظارات
وقصص تسويقية ناجحة كتير بتعتمد في الاساس على متابعة الاحداث الجارية واستخدامها الاستخدام الامثل لصالح الشركة
