الجمعة، 20 يونيو، 2014

عطل الفيسبوك وابداع السوشيال ميديا

كلاكيت تاني مرة عطل في الفيسبوك 
زي ما حصل قبل كدة لما وقع موقع فيسبوك لمدة ساعات في العالم كله حصل تاني امبارح ان الفيسبوك حصل فيه عطل وماكانش حد قادر يدخل على الموقع اصلا وطبق الاصل المرة الاولى كان في ناس تستغل الحدث وتعمل  تسويق على السوشيال ميديا باستغلال الفرص وكالعادة ظهر الابداع من خلال كيت كات على تويتر لما نزلت تويته بتقول فيها بما ان الفيسبوك واخد بريك انت كمان خد لك بريك وطبعا ده السلوجان الاساسي بتاع البراند وده اللي بنسميه Real time marketing

Add caption
 وطبعا ده قمة استغلال الحدث بشكل ايجابي وابداعي وده بيوضح قد اية المسئولين عن السوشيال ميديا للبراند بيفكروا بسرعة وابداع الموضوع ماحتاجش منهم تصميم عبقري ولا كلفهم اكتر من ربط الحدث بالبراند بطريقة ايجابية وتخلي اي حد يرتويت او يشير الموضوع وطبعا بقت Case Study  كعادة كيت كات اللي دايما بتكون مثل يحتذى به في الابداع سواء في طريقة التسويق او في الاعلانات او في التفاعل على السوشيال ميديا 

مش بس كيت كات اللي تفاعلت مع الموقف ده كمان موقع بيزات للاعلانات المبوبة استغل نفس الفرصة بشكل مختلف 

بيزات اعلانات مبوبة
بيزات
وطبعا كان في ناس تانية استغلت بردو الحدث وكل واحد على حسب طريقته واسلوبه 
المهم بقى ان ال Marketer الشاطر هو اللي يشوف فرصة في كل مشكلة او كارثة او منافسة هو اللي يقدر يحول كل ده لصالحه ويكسب منه وهو ده الابداع في التسويق اصل التسويق ده فن وعلم لا هو علم جامد ولا هو فن هواه انت بطبق اللي اتعلمته بس بطريقة ابداعية وهو ده اللي بيفرق شخص عن واحد تاني وبيفرق براند بيهتم بالماركيتنج بتاعه عن براند تاني