بيقولك يا سيدى سنة 2001 فيه واحدة أمريكية إسمها "جولى أليسون" كان عندها بتاع 40 سنة كدة وكانت عايزة تشترى نضارة قراية، نزلت تدور وكدة لقت النضارات نوع من إتنين، يا إما نضارة جودتها عالية وغالية جدًا، يا إما نضارات رخيصة بس رديئة. فخدت قرار عجيب، قررت تفتح شركة نضارات
أه والله قررت تصنّع نضارات قراية للسيدات جودتها عالية وسعرها مناسب عشان كل اللى زيها يقدروا يستخدموها
طبعًا كل اللى قرأ الكلام دلوقتى بيقول إيه الست المجنونة دى
بس جولى مكنتش مجنونة، جولى أليسون فكرت صح، وخططت كويس جدًا لمشروعها ده، وكان معاها شوية فلوس تبدأ بيها.
أول حاجة فكرت فيها جولى هى التصنيع، إزاى هاصنع النضارات دى وأنا معنديش أى خبرة؟
عشان تحلّ الموضوع ده راحت طالعة على الصين، زارت أكتر من 24 مصنع نضارات هناك عشان تعرف الدنيا بتمشى إزاى، ومنين بيجيبوا المواد الخام، كدة يعنى.
عشان تحلّ الموضوع ده راحت طالعة على الصين، زارت أكتر من 24 مصنع نضارات هناك عشان تعرف الدنيا بتمشى إزاى، ومنين بيجيبوا المواد الخام، كدة يعنى.
بعد ما خلصت فى الصين، عرفت إن أحسن مواد خام للنضارات بتيجى من إيطاليا، تخيلوا عملت إيه؟ طلعت على إيطاليا وهناك اتعرفت على الناس اللى بتصدر المواد الخام وكدة وظبطّت الدنيا
كدة هى إتعلمت أول مرحلة فى الشغل، اللى هى التصنيع، رجعت أمريكا وأسست شركة eyebobs eyewear سنة 2001.
نيجى بقى للمرحلة اللى بعدها، البيع. جولى قعدت تلفّ على شركات بيع النضارات وأقنعت جزء منهم يشتروا منها، بس نضاراتها ماتباعتش!
نضارات جولى ماتباعتش عشان هى سعرها متوسط، وأصحاب الشركات عايزين يبيعوا النضارات الغالية عشان يكسبوا أكتر، فكانوا بيحطوا نضارات جولى فى أماكن مش ظاهرة أصلًا فى الـStores بتاعتهم، وبالتالى الناس مبتشوفهاش.
جولى مكنتش عارفة تعمل إيه، وكانت بدأت تخسر كل حاجة، لحد ما جاتلها فكرة غريبة، جولى قررت تحط النضارات بتاعتها فى الـStores بتاعة الملابس الرجالى!
جولى كانت بتفكر فى إن Store الملابس الرجالى دى بيدخلها الرجالة مع زوجاتهم أو اخواتهم او امهاتهم او اصحابهم، وبالتالى إحتمال إن السيدات يشوفوا المنتج ويشتروه كبير. وحتى لو راجل داخل لوحده، إحتمال كبير يشترى النضارة دى هدية لحد. جولى كانت واثقة فى المنتج بتاعها وكانت متأكدة إنه لما يظهر للناس هيتباع.
بس المشكلة كانت فى إنها مش عارفة تقنع اصحاب الـStores بفكرتها، حط نفسك مكان صاحب الـStore، إيه اللى يخليه يحط نضارات سيدات فى الـStore بتاعه!
بس فى الآخر باعت لصاحب Store تعرفه، كان جارها، وخد منها النضارات يجرب عشان هى جارته مش أكتر، يعنى ماقتنعش ولا حاجة
والمفاجأة كانت إن النضارات بتاعتها إتباعت بسرعة، والراجل ده طلب منها تانى، ونصحها تروح نيويورك تحضر معارض الملابس الكبيرة اللى بيبقى فيها اصحاب Stores وBrands ملابس من كل حتة فى أمريكا، وفعلًا نفذت كلامه وراحت، وكل مندوبى مبيعات الـStores دى اشتروا منها نضارات لنفسهم، بس للأسف مفيش حد من اصحاب الـBrands دى اشترى منها كمية يشتغل عليها.
بس جولى قررت تجرب تانى، وراحت المعرض اللى بعده، والمرة دى عملت Deals كويسة مع كذا شركة وبدأت تنطلق
جولى بدأت مشروعها فى 2001، وبعد 6 سنين، يعنى فى 2007، حققت أول مليون دولار Revenue، وفى 2008 حققت 4 مليون ونص، وفى 2009 حققت 9 مليون دولار Revenue
تعالوا نلخص الكلام مع بعض كدة بالترتيب:
1. أول حاجة عملتها جولى هى إنها حددت إيه اللى هتقدمه للناس، "نضارات قراية للسيدات جودتها عالية وسعرها مناسب"، وكانت Specific جدًا فى تحديد الـSegment اللى هتشتغل عليها.
2. تانى حاجة بدأت تشوف هتطلع المنتج بتاعها إزاى، اتشقلبت من الشرق للغرب عشان توصل لأحسن حاجة ممكن تقدمها للعميل بتاعها.
3. بعد كدة فكرت إزاى توصل للعميل بتاعها، وجربت ومنجحتش وجربت تانى لحد ما وصلت
1. أول حاجة عملتها جولى هى إنها حددت إيه اللى هتقدمه للناس، "نضارات قراية للسيدات جودتها عالية وسعرها مناسب"، وكانت Specific جدًا فى تحديد الـSegment اللى هتشتغل عليها.
2. تانى حاجة بدأت تشوف هتطلع المنتج بتاعها إزاى، اتشقلبت من الشرق للغرب عشان توصل لأحسن حاجة ممكن تقدمها للعميل بتاعها.
3. بعد كدة فكرت إزاى توصل للعميل بتاعها، وجربت ومنجحتش وجربت تانى لحد ما وصلت
لو عندك فكرة إشتغل عليها صح، عشان توفر وقت ومجهود، وإوعى تمشيها بالحب
لو عايز تبص على الـWebsite:ـ https://www.eyebobs.com
لو عاوز تعرف قصة غزو شيكولاته كيت كات اليابان اضغط على الرابط
اما لو عايز تعرف قصة الراجل الذي باع جسر بروكلين اضغط على الرابط
كتبها
